गजल
जाँडले भुईंमा, लडेका हरुको, कुरै नगरौं;
तिनैले हुर्काका, बडेका हरुको, कुरै नगरौं!१!
पिएर एघार, बोतल उसले, गर्ला झगडा;
जँड्याहा संगत, धडेका हरुको, कुरै नगरौं!२!
सन्तान सिकारु, हुनेछ बाउको, जस्तै गुणले;
अश्लिल भजन, जडेका हरुको, कुरै नगरौं!३!
नशामा कुकुर, जसरी भुक्नेछ, पक्कै आखिर;
ईज्जत सम्मान, गडेका हरुको, कुरै नगरौं!४!
हुँदैन मानब, सभ्यता उसमा, काहिं कदापी ;
सडक नालीमा, लडेका हरुको, कुरै नगरौं!५!
सम्बन्ध नजोड्नु, बोलीका भरमा, कतै झुक्केर;
मात्तेर टुप्पोमा, खडेका हरुको, कुरै नगरौं !६!
Copy rights to:
smile(Balkrishna)gajurel
E-mail:
clicktobk_4u@yahoo.com
No comments:
Post a Comment